O‘zbekiston Milliy matbuot markazida O‘zbekiston Respublikasi Sanoat xavfsizligi davlat qo‘mitasi tomonidan qo‘mitaning 2021 yildagi faoliyati yakunlari va joriy yilda amalga oshirilishi rejalashtirilgan tadbirlarga bag‘ishlangan matbuot anjumani tashkil etildi.
Sanoat xavfsizligi davlat qo‘mitasi sanoat, radiasiya va yadro xavfsizligi sohalarida maxsus vakolatli davlat nazorati boshqaruv organidir.
Qo‘mita O‘zbekiston Respublikasining 15 ta Qonuni, O‘zbekiston Respublikasi Prezidenti, O‘zbekiston Respublikasi Oliy Majlisi palatalari va O‘zbekiston Respublikasi Vazirlar Mahkamasi tomonidan qabul qilingan 80 ga yaqin qarorlari bilan yuklatilgan 400 ga yaqin funksional vazifalar asosida qator vazirlik
va idoralar bilan hamkorlikda ishlarni amalga oshirib kelmoqda.
Qo‘mita boshqarma boshlig‘ining o‘rinbosari Olimjon Djuraev 2021 yilda qo‘mita tomonidan amalga oshirilgan ishlar to‘g‘risida ma'lumot berdi.
Xususan, nazorat ostidagi korxona va tashkilotlarda 3598 ta davlat nazorati, 10 019 ta nazorat-profilaktika ishlari o‘tkazilib, 55 408 ta sanoat, radiasiya xavfsizligi talablari va yer osti boyliklaridan foydalanish sohalarida qoida buzilishlar aniqlandi. 57 ta korxonada ishlar vaqtincha to‘xtatib qo‘yildi. 2763 ta injener-texnik va rahbar xodimlarga 1 838 676 500 so‘m miqdorida jarimalar qo‘llanildi.
O‘zbekiston Respublikasi Vazirlar Mahkamasining 2018 yil 2 oktyabrdagi 782-son “Sanoat va radiasiya xavfsizligi sohasidagi ayrim faoliyat turlarini lisenziyalashni va ruxsat berish tartib-taomillarini yanada takomillashtirish chora-tadbirlari to‘g‘risida”gi qaroriga asosan 40ta lisenziya rasmiylashtirildi.
Hisobot davrida jismoniy va yuridik shaxslar tomonidan qo‘mitaga 4906 ta ariza kelib tushgan. Shulardan 3117 tasi bo‘yicha ruxsat etish xususiyatiga ega bo‘lgan hujjatlar rasmiylashtirildi.
Shuningdek, 2266 ta xavfli ishlab chiqarish ob'ektlari Davlat qo‘mitasining yagona reestriga kiritildi.
Davlat qo‘mitasida Istirohat bog‘lari attraksionlarini nazorat qilish inspeksiyasi tashkil topganidan so‘ng hududlardagi mavjud jami 144 ta madaniyat va istirohat bog‘larida o‘rnatilgan 1879 ta attraksion ko‘zdan kechirildi va ulardan xavfsiz foydalanish talablariga rioya etish holati o‘rganib chiqildi.
2021 yilda xalqaro doirada Kimyoviy, biologik, radiologik va yadro xavflarini minimallashtirish bo‘yicha Yevropa Ittifoqining Ilg‘or tajriba markazlari Tashabbusi doirasida respublikaga beg‘araz tarzda ikkita mobil laboratoriya taqdim etildi.
Nazorat ostidagi korxona va tashkilotlarda umumiy 93 ta baxtsiz hodisa sodir bo‘lib, bulardan 19 tasi o‘lim bilan tugadi (qiyoslash uchun 2020 yilda bu ko‘rsatkich mos ravishda 87 va 27 ni tashkil qilgan).
Bu borada qo‘mita tomonidan 59 ta hujjat huquqni muhofaza qiluvchi organlarga yuborilgan.
2021 yilda sanoat sohasida sodir bo‘lgan jami avariyalardan ko‘rilgan zarar 2 mlrd.so‘mdan ortiqni tashkil qildi.
Tadbir davomida 2021 yilda neft' va gaz sohasida sanoat xavfsizligi ta'minlanishini nazorat qilish bo‘yicha olib borilgan ishlar to‘g‘risida alohida gapirildi.
Hisobot davrida “O‘zbekneftegaz” AJga qarashli korxonalarda, “O‘ztransgaz” AJ, chet el va qo‘shma korxonalari, jumladan, “ERIELL GmbH”, “LUKOYL Uzbekistan Opereyting kompani” MChJ, “UzMalOil” Qo‘shma korxonasi, “Sanoat energetika guruhi” MChJ qo‘shma korxonasi, “Gissarneftgaz” MChJ qo‘shma korxonasi, “Enter Enginering” kompaniyasi hamda boshqa neft' va gaz sohasida faoliyat olib boruvchi korxonalarda sanoat xavfsizligini o‘rganish bo‘yicha nazorat-profilaktika ishlari olib borildi.
Shuningdek, Olimjon Djuraev OAV vakillariga 2021 yil 11 fevralda O‘zbekiston Respublikasi Vazirlar Mahkamasida “Mahallabay” tizimini joriy qilish bo‘yicha bo‘lib o‘tgan videoselektor yig‘ilishi qarori ijrosi yuzasidan qo‘mitaga biriktirilgan jami 15 ta MFY da uyma-uy yurish orqali 6571 ta xonadon o‘rganilib, 2367 ta muammoli masalalar aniqlangani va umumiy aniqlangan muamolarning 74 %i hal etilganini ma'lum qildi.
Shu bilan birga 2022 yilda profilaktika va targ‘ibot ishlarini kuchaytirish orqali nazoratosti korxonalarida avariya va baxtsiz hodisalarni oldini olish, kamaytirish Davlat qo‘mitasining oldida turgan asosiy vazifalardan biri ekani ta'kidlandi.
Anjuman yakunida Qo‘mita xodimlari jurnalistlarning savollariga javob berdilar.
“Саноат хавфсизлиги давлат қўмитасининг 2021 йилдаги фаолияти якунлари ва 2022 йилга белгиланган режалар”
мавзусида матбуот анжумани ўтказилди
2022 йил 14 февралда Ўзбекистон Миллий матбуот марказида Ўзбекистон Республикаси Саноат хавфсизлиги давлат қўмитаси томонидан қўмитанинг 2021 йилдаги фаолияти якунлари ва жорий йилда амалга оширилиши режалаштирилган тадбирларга бағишланган матбуот анжумани ташкил этилди.
Саноат хавфсизлиги давлат қўмитаси саноат, радиация ва ядро хавфсизлиги соҳаларида махсус ваколатли давлат назорати бошқарув органидир.
Қўмита Ўзбекистон Республикасининг 15 та Қонуни, Ўзбекистон Республикаси Президенти, Ўзбекистон Республикаси Олий Мажлиси палаталари ва Ўзбекистон Республикаси Вазирлар Маҳкамаси томонидан қабул қилинган 80 га яқин қарорлари билан юклатилган 400 га яқин функционал вазифалар асосида қатор вазирлик
ва идоралар билан ҳамкорликда ишларни амалга ошириб келмоқда.
Қўмита бошқарма бошлиғининг ўринбосари Олимжон Джураев 2021 йилда қўмита томонидан амалга оширилган ишлар тўғрисида маълумот берди.
Хусусан, назорат остидаги корхона ва ташкилотларда 3598 та давлат назорати, 10 019 та назорат-профилактика ишлари ўтказилиб, 55 408 та саноат, радиация хавфсизлиги талаблари ва ер ости бойликларидан фойдаланиш соҳаларида қоида бузилишлар аниқланди. 57 та корхонада ишлар вақтинча тўхтатиб қўйилди. 2763 та инженер-техник ва раҳбар ходимларга 1 838 676 500 сўм миқдорида жарималар қўлланилди.
Ўзбекистон Республикаси Вазирлар Маҳкамасининг 2018 йил 2 октябрдаги 782-сон “Саноат ва радиация хавфсизлиги соҳасидаги айрим фаолият турларини лицензиялашни ва рухсат бериш тартиб-таомилларини янада такомиллаштириш чора-тадбирлари тўғрисида”ги қарорига асосан 40та лицензия расмийлаштирилди.
Ҳисобот даврида жисмоний ва юридик шахслар томонидан қўмитага 4906 та ариза келиб тушган. Шулардан 3117 таси бўйича рухсат этиш хусусиятига эга бўлган ҳужжатлар расмийлаштирилди.
Шунингдек, 2266 та хавфли ишлаб чиқариш объектлари Давлат қўмитасининг ягона реестрига киритилди.
Давлат қўмитасида Истироҳат боғлари аттракционларини назорат қилиш инспекцияси ташкил топганидан сўнг ҳудудлардаги мавжуд жами 144 та маданият ва истироҳат боғларида ўрнатилган 1879 та аттракцион кўздан кечирилди ва улардан хавфсиз фойдаланиш талабларига риоя этиш ҳолати ўрганиб чиқилди.
2021 йилда халқаро доирада Кимёвий, биологик, радиологик ва ядро хавфларини минималлаштириш бўйича Европа Иттифоқининг Илғор тажриба марказлари Ташаббуси доирасида республикага беғараз тарзда иккита мобил лаборатория тақдим этилди.
Назорат остидаги корхона ва ташкилотларда умумий 93 та бахтсиз ҳодиса содир бўлиб, булардан 19 таси ўлим билан тугади (қиёслаш учун 2020 йилда бу кўрсаткич мос равишда 87 ва 27 ни ташкил қилган).
Бу борада қўмита томонидан 59 та ҳужжат ҳуқуқни муҳофаза қилувчи органларга юборилган.
2021 йилда саноат соҳасида содир бўлган жами авариялардан кўрилган зарар 2 млрд.сўмдан ортиқни ташкил қилди.
Тадбир давомида 2021 йилда нефть ва газ соҳасида саноат хавфсизлиги таъминланишини назорат қилиш бўйича олиб борилган ишлар тўғрисида алоҳида гапирилди.
Ҳисобот даврида “Ўзбекнефтегаз” АЖга қарашли корхоналарда, “Ўзтрансгаз” АЖ, чет эл ва қўшма корхоналари, жумладан, “ERIELL GmbH”, “ЛУКОЙЛ Узбекистан Оперейтинг компани” МЧЖ, “UzMalOil” Қўшма корхонаси, “Саноат энергетика гуруҳи” МЧЖ қўшма корхонаси, “Gissarneftgaz” МЧЖ қўшма корхонаси, “Enter Enginering” компанияси ҳамда бошқа нефть ва газ соҳасида фаолият олиб борувчи корхоналарда саноат хавфсизлигини ўрганиш бўйича назорат-профилактика ишлари олиб борилди.
Шунингдек, Олимжон Джураев ОАВ вакилларига 2021 йил 11 февралда Ўзбекистон Республикаси Вазирлар Маҳкамасида “Маҳаллабай” тизимини жорий қилиш бўйича бўлиб ўтган видеоселектор йиғилиши қарори ижроси юзасидан қўмитага бириктирилган жами 15 та МФЙ да уйма-уй юриш орқали 6571 та хонадон ўрганилиб, 2367 та муаммоли масалалар аниқлангани ва умумий аниқланган муамоларнинг 74 %и ҳал этилганини маълум қилди.
Шу билан бирга 2022 йилда профилактика ва тарғибот ишларини кучайтириш орқали назоратости корхоналарида авария ва бахтсиз ҳодисаларни олдини олиш, камайтириш Давлат қўмитасининг олдида турган асосий вазифалардан бири экани таъкидланди.
Анжуман якунида Қўмита ходимлари журналистларнинг саволларига жавоб бердилар.