Germaniyaning Karslrue shahridagi Yevropa yadro xavfsizligi bo‘yicha o‘quv markazi (EUSECTRA)da AQSh Energetika vazirligining Yadro xavfsizligi bo‘yicha milliy ma'muriyati bilan hamkorlikda “Radiologik jinoyat joyini boshqarish” mavzusida seminar o‘tkazildi.

Ceminar mamlakatimiz mutaxassislariga radiologik jinoyat sodir etilgan joyda harakatlarni boshqarish bo‘yicha asosiy va maxsus bilimlarni berish maqsadida tashkil etildi. Unda respublikamizning Sog‘liqni saqlash Ichki ishlar, Favqulodda vaziyatlar vazirliklari, Bosh prokuratura, Yadro fizikasi instituti, Davlat bojxona qo‘mitasi va shu jumladan Sanoat xavfsizligi davlat qo‘mitasidan mutaxassislar ishtirok etdi.

Tadbirda yadroviy va boshqa radioaktiv materiallar mavjud bo‘lishi mumkin bo‘lgan jinoyat joyida ishlashda huquqni muhofaza qilish organlari xodimlari bajaradigan jarayonlarni va yadroviy o‘lchov amaliyotlari tajribalarini birlashtirishga qaratilgan nazariy va amaliy mashg‘ulotlar o‘tkazildi.

Ushbu seminarda Radiasiya va yadro xavfsizligi departamenti Yadroviy va radioaktiv materiallarni jismoniy himoya qilish bo‘limi bosh mutaxassisi Ahror Ortiqov ham ishtirok etib, sohaviy  bilim va ko‘nikmalarini oshirdi.