Sanoat xavfsizligi sohasida lisenziyalash va ruxsat berish faoliyati mavzusida videomuloqot
06.10.2022 | scis.uz

Sanoat xavfsizligi davlat qo‘mitasi hamda Rossiyaning ekologik, texnologik va atom nazorati bo‘yicha federal xizmati (Rostexnadzor) o‘rtasida 2022-2023 yillar uchun hamkorlikdagi tadbirlar rejasiga muvofiq sanoat hamda radiasiya va yadro xavfsizligi sohalarida tartibga solish hujjatlarini ishlab chiqish,  lisenziyalash va ruxsat berish faoliyatini takomillashtirish, xavfli ishlab chiqarish ob'ektlari nazoratini amalga oshirish bo‘yicha mamlakatimiz mutaxassislarining salohiyatini mustahkamlash maqsadida ikki tomonlama uchrashuvlar, seminarlar, stajirovkalar o‘tkazilishi belgilangan.

Ushbu hamkorlik doirasida davlat qo‘mitasi va “Rostexnadzor” federal xizmati vakillari ishtirokida o‘tkazilgan videomuloqot sanoat xavfsizligi sohasida lisenziyalash va ruxsat berish faoliyatini amalga oshirishda har ikki mamlakatda mavjud normativ-huquqiy baza, lisenziya va ruxsatnomalarni berish, to‘xtatib turish, bekor qilish tartibi masalalari muhokama qilindi.

Qo‘mita va Rostexnadzor mutaxassislari o‘rtasidagi on-layn muloqot yakunida taqdimot va ma'ruzalar bo‘yicha savol-javob bo‘lib o‘tdi.