“Qadring baland bo‘lsin, ona tilim”
20.10.2022 | scis.uz

Sanoat xavfsizligi davlat qo‘mitasida 21 oktyabr' – O‘zbek tili bayrami kuni munosabati bilan Alisher Navoiy nomidagi Toshkent davlat ona tili va adabiyoti universiteti katta o‘qituvchisi Davlatyor Jumaev ishtirokida “Qadring baland bo‘lsin, ona tilim” mavzusida ma'naviy- ma'rifiy tadbir o‘tkazildi.

«So‘z – benihoyat qudratli narsa. Bunga tarixdan ham dalillar bor. «Qobusnoma»da yozilishicha, Xalifa Xorun ar-Rashid tush ko‘radi. Tushida hamma tishlari to‘kilib tushgan emish. Shunda bu tush ta'birini ta'bir qiluvchidan so‘raydi. U: «Sendan oldin barcha yaqinlaring o‘ladi. Sendan boshqa hech kim qolmaydi», - deydi Bu so‘zni eshitgan Xalifa g‘azab otiga minadi va ta'birchini yuz darra urishni buyuradi. Keyin tushning ma'nosini boshqa bir ta'birchidan so‘raydi. Dono ta'birchi: «Sening umring barcha qarindoshlaring umridan uzunroq bo‘ladi», - deydi. Shunda Xorun ar-Rashid: «Barcha aqlning yo‘li birdir va ikkala ta'birning negizi bir yerga boradi, ammo bu ibora bilan u iboraning orasida farq bag‘oyat ko‘pdur», - deydi va unga yuz tillo berishni buyuradi. Demak, so‘zni o‘z ornida ishlata bilish uchun farosat, malaka va ziyraklik zarur”, - domla Davlatyor Jumaev yig‘ilganlarga o‘zbek tili tarixi, uning shakllanishi to‘g‘risida ma'lumotlar berib, til bilan bog‘liq ibratli hikoyalar keltirdilar.”Hayot yo‘llarimizda Mir Alisher Navoiyning

«Ko‘ngil mahzanining qulfi til va ul mahzanning kalitin so‘z bilgin» misralari bugungi kunda tilimizni mavqeini ko‘tarish, sofligini saqlash borasidagi harakatlarga shior qilib olish bo‘lishi muhim”ligi ta'kidlandi.

Bugunda bezavol qolgan, toptalgan tilimiz o‘zining asrlarga teng qaddini tiklamoqda. Prezident Shavkat Mirziyoev tomonidan 2019 yil oktyabrda e'lon qilingan farmonga binoan 21 oktyabr – O‘zbek tili kuni sifatida keng miqyosda nishonlanadigan bo‘ldi. Tilimiz rivoji uchun beqiyos Zulfiya, Hamid Olimjon, Abdulla Oripov kabi zabardast adabiyot vakillarining haykallari «Yozuvchilar bog‘i»dan joy oldi. Bundan tashqari Abdulla Oripov nomidagi maxsus she'r, adabiyot maktabi ochildi. Bu maktabda bugungi kunda yuzlab iqtidorli yoshlar saboq olib kelmoqda. Ayniqsa, yurtimizda kitobxonlikni keng targ‘ib etib, milliy g‘ururimiz bo‘lgan tilimizning keyingi kelajagi uchun xizmat qilayotgan «Yosh kitobxon» ko‘rik-tanlovi e'tiborga molik. Bugungi kunda tilimizga bo‘lgan hurmat hukumatimiz tomonidan, qolaversa, keng jamoatchilik tomonidan o‘zgarib bormoqda. Masalan, endilikda O‘zbekiston Respublikasi fuqarosi bo‘lish uchun o‘zbek tilini mukammal bilish, maxsus imtihondan o‘tish talab qilinadi. Yana, bundan keyin talaba bo‘lish uchun ona tilidan imtihon topshirib, namunali natija ko‘rsatish lozim. Yaqindagina insonni faxrlantiradigan voqeaning guvohiga aylandik. Prezident Shavkat Mirziyoev Birlashgan Millatlar Tashkiloti minbarida sof o‘zbek tilida nutq so‘zladi. Bir yuz to‘qson uch davlat vakillari va dunyo televideniyasida o‘zbek tili yangradi.

Sanoat xavfsizligi davlat qo‘mitasida ham davlat tili to‘g‘risidagi qonun hujjatlari talablari ijrosini ta'minlash maqsadida ish va hujjat yuritish davlat tilida amalga oshiriladi, qo‘mitaning ichki ish hujjatlari, texnik va normativ, tartibga soluvchi hujjatlar o‘zbek tiliga tarjima qilingan.