Xalqaro atom energiyasi agentligi mamlakatimiz mutaxassislariga xavfsizlik asoslarini takomillashtirishga ko‘maklashmoqda
25.10.2022 | scis.uz

24-27 oktyabr' kunlari Toshkentda Xalqaro atom energiyasi agentligi (XAEA) va Sanoat xavfsizligi davlat qo‘mitasi bilan hamkorlikda Atom elektr stansiyalari uchun xavfsizlik qoidalari va qo‘llanmalari bo‘yicha hujjatlar ishlab chiqishda XAEA tajribasiga bag‘ishlangan milliy seminar bo‘lib o‘tmoqda.

Tadbirni o‘tkazishdan maqsad tartibga soluvchi organlar tomonidan atom elektr stansiyalari uchun xavfsizlik qoidalari va qo‘llanmalari bo‘yicha hujjatlar ishlab chiqishda XAEA hamda xalqaro ekspertlar tajribasini o‘rganishdan iborat.

Tadbirda O‘zbekiston Respublikasi Ichki ishlar vazirligi, Mudofaa vazirligi, Favqulodda vaziyatlar vazirligi, Sog‘liqni saqlash vazirligi, Sanoat xavfsizligi davlat qo‘mitasi, Davlat bojxona qo‘mitasi, Ekologiya va atrof-muhitni muhofaza qilish davlat qo‘mitasi, Geologiya va mineral resurslar davlat qo‘mitasi, Fanlar akademiyasi, “O‘zatom” agentligidan mutaxassislar qatnashmoqda.

Seminarda XAEA, Turkiya va Pokistonlik yetakchi ekspertlar tomonidan seminar mavzusi bo‘yicha ma'ruzalar qilinmoqda.

Aytish kerakki, XAEA atom elektr stansiyalari uchun xavfsizlik qoidalari va qo‘llanmalari bo‘yicha hujjatlar ishlab chiqishda a'zo davlatlarni qo‘llab-quvvatlash bo‘yicha ko‘plab tadbirlarni amalga oshiradi. Seminarlar, treninglar va ekspertlar vositasida hujjatlar loyihalarini ko‘rib chiqishga ko‘maklashadi.

Yangi  atom energetikasi dasturlarini ishlab chiqish yoki mavjud dasturlarni kengaytirishga kirishayotgan mamlakatlarni qo‘llab quvvatlash XAEAning ustuvor vazifalaridan hisoblanadi.