O‘zbekiston – Tojikiston: Sanoatda xavfsizlik masalalari muhokamasi
28.05.2019 | scis.uz

O‘zbekiston Respublikasi Sanoat xavfsizligi davlat qo‘mitasida Tojikiston Respublikasi Hukumati huzuridagi Sanoatda va tog‘-kon sanoatida ishlarni xavfsiz tashkil etish bo‘yicha davlat nazorati xizmati boshlig‘ining birinchi o‘rinbosari Alamzoda Isroil Bobo bilan uchrashuv bo‘lib o‘tdi.

Uchrashuvda O‘zbekiston Respublikasi Sanoat xavfsizligi davlat qo‘mitasi raisi vazifasini bajaruvchi Baxtiyor G‘ulomov mamlakatlarimiz o‘rtasidagi iqtisodiy jabhadagi munosabatlar, jumladan, sanoat sohasidagi hamkorlik aloqalari rivojlanib borayotgani haqida gapirdi.

Tomonlar ishlab chiqarish ob’ektlarining sanoat xavfsizligini ta’minlash masalalarini muhokama qildi.

Shuningdek, xavfli ishlab chiqarish ob’ektlarining bugungi ahvoli, Sanoatdagi avariyalarning transchegaraviy ta’siri to‘g‘risidagi konvensiyada ko‘zda tutilgan chora-tadbirlarni amalga oshirish bo‘yicha ham so‘z bordi.

Uchrashuv yakunida ikki tomonlama hamkorlik memorandumini ishlab chiqishga kelishib olindi.