Tabiiy gazdan foydalanishda ehtiyot choralarini ko‘rish baxtsiz hodisalarni oldini olishning muhim omili
14.11.2022 | scis.uz

So‘nggi yillarda mamlakatimizda sanoat korxonalari, xalq xo‘jaligi tarmoqlarida iqtisodiy rivojlanish natijasida yaratilayotgan moddiy  boyliklar, asosiysi inson hayot va salomatligini asrash, ularni favqulodda vaziyatlarlan himoya qilish muhim vazifalardan biridir.

Shu o‘rinda joriy kuz-qish mavsumida xususan  tabiiy gazdan foydalanish sohasida yuzaga kelishi mumkin favqulodda hodisalar – yong‘inlar, is gazidan zaharlanishdan himoyalanish borasida qabul qilingan qator Hukumat qarorlarini joylarda ijrosini ta'minlash ishlari bajarilmoqda.

Sanoat xavfsizligi davlat qo‘mitasi hamda hamkor tashkilotlar vakillari tomonidan hududlarda gaz ta'minoti xodimlari ishtirokida 2022-2023 yillar kuz-qish mavsumida  tabiiy gazdan betalofat  foydalanish mavzuida seminar yig‘ilishlar o‘tkazilmoqda.

Kuni kecha Yangiyo‘l tumani hokimiyatida Tuman tibbiyot birlashmasi xodimlari uchun Sanoat xavfsizligi davlat qo‘mitasi Gaz xo‘jaligida sanoat xavfsizligi inspeksiyasi mutaxassislari hamda tuman favqulodda vaziyatlar boshqarmasi boshlig‘i seminar yig‘ilish o‘tkazib, tibbiyot tizimida sodir bo‘lishi mumkin bo‘lgan yong‘inlarni oldini olish, bu borada xavfsizlik talablariga rioya qilish, tabiiy gazdan yoqilg‘i sifatida foydalanishda is gazidan zaharlanish oldini olish uchun zarur ehtiyot choralarini ko‘rish yuzasidan tushuntirishlar va ko‘rsatmalar berdilar.