Bug‘ va suv isitish qozonlaridan xavfsiz foydalanish qoidalari tasdiqlanadi
24.07.2019 | kun.uz

Normativ-huquqiy hujjatlar loyihalari muhokamasi portalida Vazirlar Mahkamasining “Bug‘ va suv isitish qozonlarining tuzilishi va ulardan xavfsiz foydalanish qoidalarini tasdiqlash to‘g‘risida”gi qarori loyihasi e'lon qilindi.

O‘zbekiston Respublikasi Vazirlar Mahkamasining “Bug‘ va suv isitish qozonlarining tuzilishi va xavfsiz foydalanish qoidalarini tasdiqlash to‘g‘risida”gi qarori loyihasi O‘zbekiston Respublikasining “Xavfli ishlab chiqarish obektlarida sanoat xavfsizligi to‘g‘risida”gi qonuni va O‘zbekiston Respublikasi prezidentining 2018 yil 2 noyabrdagi majlis qarori bilan tasdiqlangan “Xalq ta'limi tizimida islohotlarni yanada jadallashtirish, ta'lim sifatini oshirishga qaratilgan Yo‘l xaritasi”ning 9-bandiga muvofiq ishlab chiqilgan.

Qaror loyihasining maqsadi:

O‘zbekiston Respublikasining “Xavfli ishlab chiqarish obektlarining sanoat xavfsizligi to‘g‘risida”gi Qonuniga muvofiq bosimi 0.07 MPa.dan yuqori bo‘lgan va ishlash harorati 115 daraja Tselsiydan yuqori bo‘lgan bug‘ va suv isitish qozonlari xamda harorati 0.07 MPa.dan kam bo‘lgan va suvning harorati 115 darajadan kam bo‘lgan bug‘ va suv isitish qozonlaridan xavfsiz foydalanish talablarini belgilash;

O‘zbekiston Respublikasida foydalanilayotgan bosimi 0.07 MPa dan yuqori bo‘lgan va ishlash harorati 115 daraja Tselsiydan yuqori bo‘lgan bug‘ va suv isitish qozonlari xamda bosimi 0.07 MPa dan kam bo‘lgan va suvning harorati 115 daraja Tselsiydan kam bo‘lgan bug‘ va suv isitish qozonlarining yoqilg‘i sarfi (ko‘mir, tabiiy gaz, suyuq yoqilg‘i) me'yorini ta'minlash;

bosimi 0.07 MPa dan yuqori bo‘lgan va ishlash harorati 115 darajadan yuqori bo‘lgan bug‘ va suv isitish qozonlari xamda bosimi 0.07 MPa dan kam bo‘lgan va suvning harorati 115 darajadan kam bo‘lgan bug‘ va suv isitish qozonlar mansabdor va ishchi xodimlarining hayoti va sog‘ligini saqlash.

Qaror loyihasida ikki qoida, ya'ni, “Bug‘ va suv isitish qozonlarining tuzilishi va xavfsiz foydalanish qoidalari” va “0,07 MPa bosimgacha bo‘lgan bug‘ qozonlari va suvning harorati 115 darajagacha bo‘lgan suv isitish qozonlarni tuzilishi va ulardan xavfsiz foydalanish qoidalari” tasdiqlash ko‘zda tutilgan.

O‘zbekiston Respublikasi Vazirlar Mahkamasining mazkur qarori loyihasining qabul qilinishi O‘zbekiston Respublikasida foydalanilayotgan barcha bug‘ va suv isitish qozonlari o‘rnatilgan qozonxonalarda xizmat qiluvchi xodimlarining hayoti va sog‘lig‘ini saqlashga, avariya va baxsiz hodisalarni oldini olish va yoqilg‘i miqdorini me'yorida ishlatishga qo‘yilgan talablarga qaratilgan.

Hujjatning to‘liq matni bilan quyida tanishish mumkin.