Amerikalik mutaxassislar bilan hamkorlik masalalari muhokama qilindi
15.11.2022 | scis.uz

Sanoat xavfsizligi davlat qo‘mitasi raisining o‘rinbosari, Radiasiya va yadro xavfsizligi departamenti boshlig‘i Ibrohim Tashkentbaev boshchiligida qo‘mita mutaxassislarining AQShning "NAC international" konsalting kompaniyasi vakillari janob Devid Kulpa va janob Marselo Salvatore bilan uchrashuvi bo‘lib o‘tdi.

Uchrashuvda ikki tomonlama hamkorlik masalalari, xususan, Xalqaro atom energiyasi agentligi (XAEA)ga hisobotlarni tayyorlash uchun dasturiy ta'minot (xavfsizlik choralari to‘g‘risidagi Bitim va mazkur Bitimga qo‘shimcha protokolga muvofiq), kadrlar tayyorlash, shuningdek, radiasiya va yadro xavfsizligini tartibga solish sohasida me'yoriy hujjatlarni ishlab chiqish masalalari muhokama qilindi.

Amerikalik mehmonlar o‘z kompaniyalari faoliyati haqida taqdimot qilib, asosiy e'tiborni yoqilg‘i davriyligi, hisob va nazorat, yoqilg‘i boshqaruvi va atom energiyasidan tinch maqsadlarda foydalanish sohasidagi davlat siyosati masalalari bo‘yicha maslahatlarga oid xizmatlar ko‘rsatish jihatlariga qaratdilar.

Tadbir yakunida tomonlar kelgusidagi hamkorlikning amaliy qadamlarini belgilash maqsadida ushbu uchrashuv davomida muhokama qilingan takliflarni ishchi tartibda almashishga kelishib oldilar.